Şamaxıda torpaq sürüşməsinin nəticələri aradan qaldırılır...

Ötən günü yeni istifadəyə verilən  Şamaxı Çuxuryud-Sis-Qaleybuğurd-Keçmədin-Qaladərəsi avtomobil yolunda baş verən sürüşməni və sürüşmə nəticəsində avtomobil yolununda yaranan təhlükələr haqqında məlumat verdik. Bu gün aidiyyatı qurumlar yaranan vəziyyəti aradan qaldırmaq üçün hərəkətə keçib. Azərbaycan Avtomobil Yolları Dövlət Agentliyinin canlı qüvvəsi və texnikası sözü gedən əraziyə cəlb edilib və hal hazırda  yolda bərpa, bərkitmə işləri görülür. Qeyd edək ki, sürüşmə nəticəsində uzunluğu 16 km olan yolun bir neçə hissəsi dağılıb, asfalt örtüyündə çökmələr və yolun ortasında iri çatlar əmələ gəlib. Ən çox sürüşmə yolun  6-cı və 8 ci kilometrliyində baş verib. Sürüşmə nəticəsində yolda dərinliyi 3 metrə qədər çuxurlar yaranıb.