Uşaq bağçasında yanğın çıxdı...

06 2022 12:30
Bu gün səhər saat 07:50-də Zaqatalanın Bəhmətli kəndində Birinci Qarabağ müharibəsi şəhidi İlqar Əmrulla oğlu adını daşıyan körpələr evi - uşaq bağçasında yanğın baş verib.

Yanğının söndürülməsi üçün əraziyə Fövqəladə Hallar Nazirliyinin Zaqatala rayon Dövlət Yanğından Mühafizə Hissəsinin üç yanğınsöndürən maşını və şəxsi heyəti cəlb edilib.

Yanğın nəticəsində ümumi sahəsi 220 kv/m olan binanın yanar konstruksiyaları, içərisində olan avadanlıq və sənədlər yanaraq kül olub. Yanğın səhər saatlarında baş verdiyindən xoşbəxtlikdən xəsarət alan olmayıb. Faktla bağlı araşdırma aparılır.