Şəkidə “Kod Da Vinçi” turniri keçirildi…

Təhsil Nazirliyinin "Təhsildə inkişaf və innovasiyalar üzrə V qrant müsabiqəsi"ndə qalib olmuş "Şəkini addım-addım tanıyaq və tanıdaq" layihəsi üzrə "Kod da Vinçi" məntiqi intellektual oyunu keçirilib. Oyunda hər komandada 5 nəfər olmaqla ümumilikdə 10 komanda iştirak edib. Komandalara tarixi abidələrlə bağlı 8 sual təqdim olunub. İştirakçılar müxtəlif şəraitlərdə oyunun 8 mərhələsinin “açarları”-nı tapmağa çalışıblar. “Açar”ları digər komandalara nisbətən daha tez tapan "Xudafərin" komandası qalib olub. "Qayıdış" komandası II yer, "Gələrsən görərsən" komandası isə III yerə layiq görülüb. I yerin qalibi kubok və medalla, II və III yerin qalibləri medalla, ümumilikdə bütün iştirakçılar sertifikatla təltif olunub.