Zaqatalada 5 maşın təmiri sexindən ibarət tikilidə yanğın baş verib...

09 Dekabr 2021 15:47
Bu gün səhər saat 6:00 radələrində Zaqatala şəhəri ərazisində, Talaçayın sol sahilində Qurban Qurbanova məxsus ümumi sahəsi 90 kv/ m olan 5 maşın təmiri sexindən ibarət tikilidə yanğın baş verib.
Yanğının söndürülməsi üçün əraziyə Fövqaladə Hallar Nazirliyinin texnikaları və şəxsi heyəti cəlb edilib. Yanğın nəticəsində tikilidə olan ümumi sahəsi 60 kv/ m olan 3 maşın təmiri sexinin yanar konstruksiyaları yanıb. İki maşın təmiri sexi, təmiri qoyulmuş 3 minik avtomobili və ətrafda olan digər tikililər yanğından mühafizə edilib. Yanğın zamanı xəsarət alan olmayıb. Faktla bağlı araşdırma aparılır.